د بلخ ولایت د ځمکو د غصب مخنيوي د تخنيکي هیئت ناسته جوړېدل
د بلخ ولایت د ځمکو د غصب مخنيوي د تخنيکي هیئت ناسته د یاد هئيت رئيس او غړو په ګډون سره جوړه شوه او د څه باندې ۶۸۹ جریبه ځمکو دوسیې په کې بحث او بررسي لاندې ونيول شوې او پریکړه وشوه چې یادې دوسیې د وروستۍ پرېکړې په موخه مرکزي کمېسیون ته واستول شي.
همدارنګه د غلام محمد ميمنګي ښوونځي اړوند د ۲ جريبه ځمکې، د نوي پوهنتون شمال لوري کې د ۵ زره جریبه ځمکې کروکي واخیستل شوه او د بلخ ولسوالۍ په بوکه کلي کې د دعوا لاندې ۴ زره جریبه ځمکې تثبیت په موخه هم هئيت ساحې ته واستول شوو.
دغه راز په دې ناسته کې د بلخ ولایت په بېلابېلو ساحو کې د دعوا لاندې ځمکو په اړه هم بحث وشو.
