د بغلان ولایت په مرکزي بغلان ولسوالۍ کې د معاملاتو لارښوونې دفترونو نظارت کېدل
د بغلان ولایت د عدلیې رياست نظارتي پلاوی، د جمادی الأولی د مياشتې په ۱۰ مه نېټه د سه شنبې په ورځ، د یاد ولایت د مرکزي بغلان ولسوالۍ ته ولاړ او په دې ولسوالۍ کې یې د معاملاتو لارښوونې له یو شمېر دفترونو څخه نظارت ترسره کړ او د هغو فعالیتونه یې بررسي کړل.
د نظارتي پلاوي د دغه نظارت او بررسۍ په ترڅ کې، د معاملاتو لارښوونې یو دفتر د غير قانوني فعالیت له امله وتړل شو او د معاملاتو لارښوونو د پاتې نورو دفترونو متصدیانو ته د شته نيمګړتياو د اصلاح او د کاري چارو ښه پرمخ وړلو په موخه لازمې توصیې وشوې.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
