د بدخشان ولایت د ځمکو د غصب د مخنیوي د تخنیکي هیئت د ناستې جوړیدل
د بدخشان ولایت د ځمکو د غصب د مخنیوي د تخنیکي هیئت ناسته د شوال میاشت په ۱۱ نېټه د دوشنبې په ورځ د هیئت د رئیس او غړو په حضور سره جوړه شوه او د امارتي ځمکو د تثبیت او استرداد په اړه په کې بحث وشو او لازم تصمیمونه ونیول شول.
تخنیکي هیئت په دغې ناسته کې د حج او اوقافو اړوند د خواجه معروف د هدیرې د ساحې د ۱۱۷ جریبه ځمکې د استرداد او په بهارک ولسوالۍ کې د دولتی سپین زر شرکت د ۱۵۱۵ جریبه ځمکې د ملکیت د استرداد د څرنګوالي په اړه چې وړاندې تثبیت شوې بحث او د نظر تبادله وشوه.
دغه راز هیئت شیوه دښتې ته له ګاونډیو ولایتونو څخه د څارویو راتګ په اړه او د اشخاصو لخوا د شیوې څړځای د تخریب او غصب چې د څاریو د خاوندانو او غاصبینو ترمنځ د جنجال او شخړې سبب شوی، بحث وکړ او ټینګار یې وکړ چې د هغو مخنیوی وشوي ترڅو د وسلوالۍ نښتې لامل و نه ګرځي.
تخنیکي هیئت پریکړه وکړه چې د شیوې دښتې د عمل پلان ترتیب شي او په همدې اوونۍ کې د هیئت غړي له امنیتي ټیم سره د غصب د مخنیوي او د څړځای د ویجاړولو او د رامنځ ته شوې شخړې د مهارولو په موخه شیوې دښتې ته ولاړ شي.
دغه راز پریکړه وشوه چې ارغنجخواه ولسوالۍ ته لیک واستول شي ترڅو مسوولین دغې ولسوالۍ کې د څړځای د تخریب او غصب مخنیوی وکړي.
