د باميان ولایت د عدلیې ریاست او مدافع وکیلانو ترمنځ د همغږۍ ناسته جوړیدل
د باميان ولایت له مدافع وکیلانو سره د یاد ولایت د عدلیې ریاست د همغږۍ ناسته د رجب المرجب د مياشتې په ۲۷ مه نېټه، د يکشنبې په ورځ، د عدلیې رئیس مولوي محمد ابراهيم سلطاني په مشرۍ او د یاد ریاست نورو مسؤولینو او یو شمېر مدافع وکيلانو په ګډون د عدلیې رياست په مقر کې جوړه شوه.
په دې ناسته کې د عدلیې رئيس په خپلو خبرو کې د یاد ولایت له مدافع وکيلانو څخه غوښتنه وکړه ترڅو په خپلو کارونو کې له اخلاص او امانت دارۍ څخه کار واخلي او خپل فعاليتونه د مدافع وکيلانو د طرزالعمل مطابق ترسره کړي.
همدارنګه، د عدليې رئیس د ياد ولايت مدافع وکيلانو ته د هر اړخيزې همکارۍ په برخه کې هم ډاډ ورکړ.
