د ارزګان ولایت د ځمکو د غصب د مخنیوي له تخنیکي هیئت سره د یاد ولایت د والي کتنه
د ارزګان ولایت د ځمکو د غصب د مخنیوي تخنیکي هیئت د جمادي الثاني د میاشتې په ۲۵ نېټه د دوشنبې په ورځ د یاد ولایت له والي، مولوي محمد علي جان احمد سره وکتل.
په یاده کتنه کې تخنیکي هیئت د ارزګان له والي سره د خپلو لاسته راوړنو او فعالیتونو یو میاشتنی راپور شریک کړ. دغه راز هیئت له نوموړي سره خپلې کاري ستونزي شریکې کړې چې د ارزګان والي د هیئت د لاسته راوړنو قدرداني وکړه او د ستونزو د لري کولو په برخه کې یې له هیئت سره د هر اړخیزې همکارۍ ژمنه وکړه.
په همدې ورځ تخنیکي هیئت خپله نوبتي ناسته هم جوړه کړه او د ځینو موضوعاتو په اړه په کې بحث او خبرې وشوې. په دې ناسته کې د ملیزو په کلي کې له شخصي ځمکو څخه د ۱۷۵۱ جریبه امارتي ځمکې د تفکیک راپور وړاندې شو او هیئت د یو شمېر نورو ساحو د بررسۍ په هکله لازمې لارښوونې وکړې.
