د ادارې د چارو د څارني او پالیسۍ له مرستیال سره د عدلیې وزارت د مسلکي معین کتنه
د اسلامي امارت د عدلیې وزارت مسلکي معین شیخ صاحب عبدالکریم حیدر د روان کال د محرم الحرام میاشتې په ۱۹ نېټه د چهارشنبې په ورځ د ادارې د چارو لوی ریاست د څارنې او پالیسۍ مرستیال مولوي صاحب سیف الدین تائب سره د عدليې وزارت په مقر کې وکتل او خبرې یې ورسره وکړې.
د دې کتنې موخه د اسلامي امارت کابېني د مصوبو عملي څارنې، تایید او د پلي کېدو څرنګوالي په اړه خبرو جوړوله.
په دې ناسته کې، د عملي څارنې موخې، مقصدونه او د کار سیمي تشریح، او د عملي څارنې ټیم د عدليې وزارت مسوولینو ته معرفي شو. همدا راز په دې ناسته کې د عدليې وزارت څخه وغوښتل شول چې د معلوماتو او اسنادو وړاندې کولو کې د نظارت له ټیمونو سره همکاري وکړي.
د عملي نظارت موخه لوړپوړه مقاماتو ته د وزارتونو او ادارو فعالیتونه او لاسته راوړنې وړاندې کول، د دې ادارو د اجراآتو او کړنو تصدیق او تایید، د ستونزو او کمزورتیاو په ډاګه کول او هغو ته د مناسبې حل لارې موندل او د ګډو فعالیتونو بشپړولو کې ادارو او وزارتونو ترمنځ همغږۍ جوړول دي.
