د اداري اجراآتو زده کړه یېزې برنامې جوړیدل
د افغانستان اسلامي امارت د عدليې وزارت د بشري سرچینو ریاست د دې وزارت د مرکزي کارکوونکو له پاره د اداري اجراآتو زده کړه یېزه برنامه جوړه کړه.
په دې زده کړه یېزه برنامه کې چې د ذوالقعدې په ۱ او ۲ نېټه د دوو ورځو لپاره جوړه شوې وه د عدلیې وزارت له مرکزي کارکوونکو څخه ۴۰ تنو ګډون کړی وو.
دغه زدکړه یېزه برنامه د جهان پوهنتون د استادانو او د عدلیې وزارت د بشري سرچینو ریاست د ښوونکو په واسطه پرمخ یوړل شوه او په کې موضوعات لکه د ادارې پېژندنه، د یوې سالمې ادارې ځانګړتیاوې، د ادارې بنسټيز اصول، د ادارې اخلاق، د مدیرانو عمده دندې، پلان او اهمیت یې او داسې نور تدریس شول.
