تېرې یوې میاشت کې ۴۶ تنو لپاره د حقوقي مرستو وړاندې کېدل
د عدلیې وزارت د حقوقي مرستو رياست د شعبان د میاشتې په ترڅ کې ۴۶ تنو بې وزلو تورنو او شکمنو ته په جزايي او مدني قضيو کې حقوقي مرستې وړاندې کړي دي.
دغه راز یاد رياست د یادې مودې په اوږدو کې د حقوقي مشورو ورکولو په برخه کې هم ۱۴ تنو ته په بېلابېلو حقوقي برخو کې مشورې وړاندې کړي دي.
همدا راز د شعبان په مياشت کې یاد رياست ۱۳ ځله په مدرسو، جوماتونو، ښوونځيو، ناحيو او د پوليسو په حوزو کې د حقوقي عامه پوهاوي برنامې جوړې کړي دي، چې په ترڅ کې یې د هېواد ۵۰۰ وګړو ته بېلابېلو موضوعاتو کې حقوقي پوهاوی وړاندې شوی دی.