ارزګان ولایت کې ۲۰۰۰ جریبه ځمکه له غصب څخه خلاصه شوه
د ارزګان ولایت د ځمکې د غصب د مخنیوي تخنیکي هیئت ددغه ولایت په چوره ولسوالۍ کې ۲۰۰۰ جریبه امارتي غصب شوې ځمکه د هیئت د غوښتنې او د ولایت د مقام د ځانګړې لارښوونې پر بنیاد له غاصبینو څخه آزاده او اسلامي امارت ته وسپارله.
یاد شوي هیئت پر دغې ځمکې ټول جوړ شوي تاسیسات ویجاړ او ځمکه یې د ددغې ولسوالۍ د کرنې مدیریت ته وسپارله.
په همدې حال کې، د غور ولایت د تخنیکي هیئت ناسته ددغه هيئت د رئیس او غړو په حضور سره جوړه شوه او پکې د فیروز کوه مرکز د هریرود شمال کې د یو شخص او د هغه د شریکانو ځمکې، بحث او بررسۍ لاندې ونیول شوې.
په دغې ناسته کې، د سرپل کاسي زړې قلعې کې د یو شخص اړوند د ځمکو سندونه او مدارک چې د اطلاعاتو او فرهنګ ریاست تر ادعا لاندې دي، هم بررسي شوو. یاد شخص هم دغې ناستې کې احضار کړل شو او سندونه یې د بررسۍ له پاره واخیستل شوو.
دغه راز یاده ناسته کې، د اطلاعاتو او فرهنګ ریاست د ځوانانو مدیریت اړوند د ۴۰۰ متر مربع ځمکې سندونه او مدارک چې د یو شخص لخوا د تصرف په خطر کې ده، بررسي شوو او پریکړه وشوه چې هیئت له نږدې څخه د ساحې لیدنه او بررسي وکړي.
د شهرک ولسوالۍ په خم سمک کې د یو شخص د زمیندارۍ په تړاو موجود سندونه او مدارک هم بررسي شوو او د ساحې دو تنه اوسیدونکي غونډې ته حاضر شوو او د یاد شخص زمینداري یې د شهادت په وروکولو سره تایید کړه.
په یاده ناسته کې، د هغه شخص په اړه چې د هوايي ډګر په ختیځ کې د سیند بستر یې غصب کړی، پریکړه وشوه چې هیئت ساحې ته ولاړ شي او سندونو ته مطابقت وکړي.
