په سرپل ولایت کې له یو شمېر دارالوکالو څخه نظارت ترسره شو
د سرپل ولایت د عدلیې ریاست نظارتي پلاوي د صفرالمظفر د میاشتې په ۱۰مه نېټه د شنبې په ورځ، له یو شمېر دارالوکالو څخه نظارت ترسره کړ او د هغو فعالیتونه یې بررسي کړل.
د نظارت په ترڅ کې د یادو دارالوکالو د فعالیت جوازونه، مهرونه، د ثبت کتابونه او یو شمېر نور اړین اسناد بررسي شول، چې په ترڅ کې یې یو شمېر ستونزې او نیمګړتیاوې تشخیص او د لرې کولو په موخه اړوندو مسؤولینو ته لازمې توصیې وشوې.
همدارنګه، نظارتي پلاوي د مدافع وکیلانو کاري ستونزې واورېدې او د هغو د حل په برخه کې یې د هر اړخیزې همکارۍ ډاډ ورکړ.
د سرپل ولایت د عدلیې ریاست په دوامداره توګه د اړوندو ادارو او دارالوکالو څخه نظارت ترسره کوي، ترڅو د غیرقانوني فعالیتونو مخه ونیول شي او خلکو ته لا زیاتې اسانتیاوې برابرې شي.
