په غور ولایت کې د څه باندې ۲۴۹۸ جریبه امارتي ځمکې استرداد
د غور ولایت د ځمکو له غصب څخه د مخنیوي تخنیکي هیئت ناسته د صفرالمظفر د مياشتې په ۱۶ مه نېټه د یکشنبې په ورځ، د یاد هيئت د رئيس او غړو په ګډون جوړه شوه.
د تخنيکي هيئت په دې ناسته کې د دغه ولایت د مرکز ولسوالۍ په نرکوه ساحه کې د دوه زره څلور سوه اته نوي (۲۴۹۸) جریبه ځمکې دوسیه تر بحث او بررسۍ لاندې ونيول شوه او یاده ځمکه د متصرفينو د اعتراف په اساس استرداد شوه.
هيئت پرېکړه وکړه چې یاده ځمکه دوسیې دې د ځمکو په بانک کې د ثبت په موخه د کرنې رياست ته واستول شي.
همدارنګه، په دې ناسته کې تخنيکي هيئت، د مرکز ولسوالۍ اړوند په نرکوه ساحه کې د پنځه سوه شل (۵۲۰) جریبه ځمکې دوسیې هم بررسي کړه چې په ترڅ کې یې یاده ځمکه امارتي تشخيص کړه او پرېکړه یې وکړه چې دوسیې یې د وروستنۍ پرېکړې په موخه مرکزي کمېسيون ته واستول شي.
دغه راز، په ياده ناسته کې د غور ولایت په بېلابېلو ساحو کې د غصب شويو ځمکو اړوند یو شمېر نورې دوسیې هم بررسي شوې او په اړه یې لازم تصامیم ونیول شول.
