د داخلی پلټنې ریاست

د افغانستان داسلامي امارت دولت دعدلیې وزارت له داخلي ریاستونو څخه یویې دپلټنې (تفتیش) داخلي ریاست دی، دا ریاست د ۱۳۸۳ هـ.ل کال د وزیرانو دعالی شوری د (۸) ګڼې مصوبې پربنسټ د ۱۳۸۴هـ.ل کال په تشکیل کې رامنځته شو، دپلټنې (تفتیش) داخلي ریاست دعدليې وزارت دمحترم مقام له لوري دمنظور شوي پلان سره په همغګۍ خپلې کړنې پرمخ بیایی.

د پلټنې (تفتیش) داخلي ریاست د درې (۳) آمریتونو او یو (۱) اداري مدیریت لرونکی دی:

دمفتیشینو (دپلټونکیو) د بورډ آمریت: دا آمریت په خپل تشکیل کې د شپاړس (۱۶) بستونو اود داخلې پلټنې د (۴) غړیو لرونکی دی.
دڅارنې اوکنترول آمریت: دا آمریت په خپل تشکیل کې د درې (۳) بستونو او څارنې اوکنترول د (۴) څلوروغړیو لرونکی دی.
د راپورونو دتحلیل او توحید آمریت: دا آمریت په خپل تشکیل کې د دوه (۲) بستونو اود راپورونو دتحلیل دبورد د(۴) څلورو غړیو لرونکی دی.
اداري مدیریت: دامدیریت پخپل تشکیل کې د مدیر او اداري مامور لرونکی دی.

د پلټنې (تفتیش) دداخلي ریاست موخې:

دوزارت تراغېز لاندې له مالي او اداري اومسلکي کړنو څخه ډاډ ترلاسه کول.
دمسلکي، مالي او اداري چارو اغېزمن کنترول اوڅارنه.
ترلاس لاندې ادارو دترتیب شوی پلان تحقق اوڅرنګوالی.
دکنترول اوڅارنې له لارې دعامه شتمنیوساتنه.
د وزارت تراغېز لاندې ادارو دناقانونه بې اغېزې، بې ګټې او غلطو (ناسمو)کړنو پېژندنه او دنیمګړتیاو داصلاح (سمون) لپاره یې وړاندیز کول.

د داخلي پلټننې (تفتیش) د ریاست مهمې دندې:

دپلټنې دپلان طرح اوترتیب .
دترتیب شویو پلانونو دتطبیق دپلټنې چارې ترسره کول.
دقانون دحکمونودښه تطبیق لپاره دلارښوونو، کړنلارو اولوایحو وضع کول.
دقانون د احکامو په نظر کې نیولو سره دادارې دعالی څېړنو او نورو لوړو بین المللي پلټونکیو ادارو معیارونه په نظر کې نیول.
دوزارت دواکمنو مقاماتو په لازم ګڼلو له اړتیا سره سم د راپورونو خپرول.