په ننګرهار ولایت کې له یو شمېر خيريه بنسټونو څخه نظارت ترسره شو
د ننګرهار ولایت د عدلیې رياست نظارتي پلاوي، د ذوالقعدې میاشتې په ۱۲مه نېټه د چهارشنبې په ورځ د یاد ولایت د مرکز، جلال اباد ښار په بېلابېلو ساحو کې د خیریه بنسټونو له ۲ دفترونو څخه نظارت ترسره کړ او د هغو فعاليتونه یې بررسي کړل.
په دغه نظارت کې د یادو خیریه بنسټونو د فعالیت جوازونه، مهرونه، رسمي کتابونه، د اجراآتو راپورونه او نور اسناد بررسي شول او په ترڅ کې یې د خیریه بنسټونو ۲ دفترونه د غیرقانونی فعالیتونو له امله وتړل شول.
د ننګرهار د عدلیې رياست په یاد ولایت کې فعال خیریه بنسټونه په منظم ډول څاري او بررسي کوي ترڅو مستحقو کسانو ته د مرستو له رسېدو او د مرستو د وېش بهیر له روڼتیا څخه ډاد ترلاشه شي.
