په پروان ولایت کي د سوداګریزو مارکېټونو ۱۶ دفترونو څخه نظارت ترسره شو
د پروان ولایت د عدلیې رياست په مشرۍ د کرایو د کنټرول ګډې کمېټې د ذوالقعدې د مياشتې په ۹مه نېټه د یکشنبې په ورځ د یاد ولایت په مرکز، چاریکار ښار کې د سوداګریزو مارکېټونو ۱۶ دفترونو څخه نظارت ترسره کړ.
د یاد نظارت په ترڅ کې د سوداګریزو مارکېټونو مسؤولینو ته توصیه وشوه چې له ټاکل شوي حد څخه د زیاتې کرایې له ثبت او د معاملاتو له ترسره کولو ډډه وکړي. همداراز کمېټې ټینګار وکړ چې د سرغړونې په صورت کې، مسؤولیت په بشپړ ډول د جایداد مالک پورې اړه لري او له هغه سره به قانوني چلند وشي.
د پروان ولایت د عدلیې رياست په دوامداره توګه په یاد ولایت کې له اړوندو برخو څخه نظارت ترسره کوي ترڅو له غير قانوني فعالیتونو څخه مخنيوی وشي.
