په سمنګان کې د معاملاتو لارښوونې له ۱۶ دفترونو څخه نظارت ترسره شو
د سمنګان ولایت د عدلیې رياست په مشرۍ ګډ نظارت پلاوي، د تېرې اونۍ په ترڅ کې د دغه ولایت په کچه د معاملاتو لارښوونې له ۱۶ دفترونو څخه نظارت ترسره کړ او د هغو فعاليتونه یې بررسي کړل.
نظارتي پلاوي د نظارت په ترڅ کې د دفترونو د فعاليت جوازونه، د پېر او پلور قانونيتوب، لوحې او یو شمېر نور اړين اسناد بررسي کړل.
د ياد نظارت په ترڅ د معاملاتو لارښوونې دفترونو په چاروکې یو شمېر نيمګړتياوې او ستونزې مشخصې شوې چې د لرې کولو په موخه د هغو متصديانو ته لازمې توصیې او لارښوونې وشوې.
د سمنګان ولایت د عدلیې ریاست په یاد ولایت کې په دوامداره توګه له اړوندو برخو څخه نظارت ترسره کوي تر څو د غير قانوني فعاليتونو مخنيوی وشي.
