په پنجشیر ولايت کې د ۴۲ جریبه ځمکې بررسي کېدل
د پنجشیر ولایت د ځمکو له غصب څخه د مخنیوي تخنیکي هیئت ناسته د صفرالمظفر د مياشتې په ۱۶ مه نېټه د یکشنبې په ورځ، د یاد هیئت د رئیس او غړو په ګډون جوړه شوه.
تخنيکي هيئت په دې ناسته کې د یاد ولایت د مرکز اړوند منجهور کلي کې د دوه څلوېښت (۴۲) جریبه ځمکې دوسیه تر بحث او بررسي لاندې ونيوله.
هئيت پرېکړه وکړه چې د یادې ځمکې په اړه دې املاکي څېړنې ترسره شي او د وروستنۍ پرېکړې په موخه مرکزي کمېسيون ته واستول شي.
همدارنګه، په دې ناسته کې د غصب شویو ځمکو اړوند یو شمېر نورې دوسیې هم تر بررسي لاندې ونيول شوې او په اړه یې لازم تصاميم ونيول شول.
