د کابل ښار په لسمه ناحیه کې له یو شمېر دارالوکالو څخه نظارت ترسره شو
د اسلامي امارت د عدلیې وزارت د مدافع وکیلانو ریاست نظارتي پلاوي، د کابل ښار په لسمه ناحیه کې د یو شمېر دارالوکالو فعالیتونه نظارت او بررسي کړل.
دغه نظارت او بررسي د صفرالمظفر د مياشتې په ۸ مه نېټه د شنبې په ورځ ترسره شو او په ترڅ کې یې ۷ دارالوکالې د نظارتي پلاوي لخوا بررسي شوې.
نظارتي پلاوي د یادو دارالوکالو نيمګړتياوې او ستونزې مشخصې کړې او د حل په برخه کې یې د هغو متصديانو ته لازمې توصيې وکړې.
د عدلیې وزارت په مرکز او د عدلیې ریاستونه په ولایتونو کې په دوامداره توګه له اړوندو برخو څخه نظارت ترسره کوي ترڅو د غیر قانوني فعاليتونو مخنيوی وشي.
