په لوګر ولایت کې پر امارتي ځمکه باندې د نويو تصرفاتو مخنيوی وشو
د لوګر ولایت د ځمکو له غصب څخه د مخنيوي تخنيکي هيئت د ذیالحجې د میاشتې په ۲۱مه نېټه د چهارشنبې په ورځ، د غصب شويو ځمکو د تشخیص لپاره د یاد ولایت د مرکز ویدخ سیمې ته سفر وکړ.
د دې سفر پر مهال تخنيکي هیئت په یاده سیمه کې پر ۲ جریبه ځمکه چې د تخنيکي هيئت تر بررسۍ لاندې ده، د نويو تصرفاتو مخنيوی وکړ.
هیئت د سیمې له اوسېدونکو سره په خبرو کې ټينګار وکړ چې په دې ساحه کې له هر ډول نويو تصرفاتو څخه ډډه وکړي او د امارتي ځمکو د غصب د مخنيوي په برخه کې دې له اسلامي امارت سره همکاري وکړي.
