په پکتیا ولایت کې د یو شمېرموټر پلورنځیو له فعالیتونو څخه نظارت ترسره شو
د پکتیا ولایت د عدلیې ریاست نظارتي پلاوي، د ذوالقعدې د میاشتې په ۲مه نېټه، د چهارشنبې په ورځ، د ګردېز ښار اړوند په صالوخېل ښارګوټي کې د موټر پلورنځیو له ۱۵ دفترونو څخه نظارت ترسره کړ.
یاد پلاوی د دغو دفترونو د فعالیت قانوني جوازونه، د ثبت کتابونه، رسمي سټې او اړوند نور اسناد بررسي کړل. د بررسۍ پر مهال، یو شمېر نیمګړتیاوې مشخصې شوې او د دفترونو مسؤولینو ته د هغو د اصلاح په موخه لازمې سپارښتنې وشوي.
د عدلیې وزارت په مرکز او د عدلیې ریاستونه په ولایتونو کې په دوامداره توګه له اړوندو برخو څخه نظارت ترسره کوي تر څو د غیر قانوني فعالیتونو مخه ونیول شي.
