د لغمان ولایت د عدلیې ریاست او د معاملاتو لارښوونې دفترونو له یو شمېر مسئولينو سره د همغږۍ ناسته جوړیدل
د لغمان ولایت د عدلیې ریاست او د یاد ولایت د معاملاتو لارښوونې د دفترونو یو شمېر مسئولينو تر منځ د همغږۍ ناسته د شوال د مياشتې په ۱۷مه نېټه د سه شنبې په ورځ، د عدلیې رئیس مولوي عبدالستار حماس او د معاملاتو لارښوونو د دفترونو مسئولينو په ګډون د عدلیې ریاست په مقر کې جوړه شوه.
په دې ناسته کې د معاملاتو لارښوونې د دفترونو په اړه خبرې وشوې او ټینګار وشو چې د یادو دفترونو مسئولين دې له راستنېدونکو کډوالو سره د استوګنځیو د موندلو او د کورونو د کرایې په برخه کې لازمه همکاري وکړي.
همدارنګه، د عدلیې رياست مسئولينو د معاملاتو لارښوونې د دفترونو متصدیانو ته توصیه وکړه چې خپل فعاليتونه د اصولو په رڼا کې ترسره کړي.
