په جوزجان ولایت کې د ۱۲۷۰ جریبه ځمکې بررسي کېدل
د جوزجان ولایت د ځمکو له غصب څخه د مخنیوي تخنیکي هیئت ناسته د روژې د میاشتې په ۱۲ مه نېټه د چهارشنبې په ورځ، د دغه هیئت د رئیس او غړو په ګډون جوړه شوه.
په دې ناسته کې، د جوزجان ولایت د خواجه دوکوه ولسوالۍ اړوند په قزل اياق کلي کې د اته سوه (۸۰۰) جریبه ځمکې او د مرکز اړوند په ګلبهار لالا کوت کلي کې د څلور سوه اویا (۴۷۰) جریبه ځمکو په اړه بحث او خبرې وشوې.
تخنیکي هیئت پرېکړه وکړه چې د خواجه دوکوه ولسوالۍ اړوند په قزل اياق کلي کې د اته سوه (۸۰۰) جریبه ځمکې دوسیې دې د وروستۍ پرېکړې په موخه مرکزي کميسيون ته واستول شي همدارنګه، د مرکز اړوند په ګلبهار لالا کوت کلي کې د څلور سوه اویا (۴۷۰) جریبه ځمکې په اړه املاکي څېړنې ترسره شي.
همدارنګه، په یاده ناسته کې د جوزجان ولایت په کچه د ځمکو د غصب اړوند یو شمېر نورې دوسیې هم تر بحث او بررسۍ لاندې ونیول شوې او په اړه یې لازم تصامیم ونیول شول.
