په هرات ولایت کې د څه باندې ۱۰۷۱ جریبه امارتي ځمکې تثبیت
د هرات ولایت د ځمکو له غصب څخه د مخنیوي تخنیکي هیئت ناسته د شعبان د مياشتې په ۱۷ مه نېټه د یکشنبې په ورځ، د ياد هيئت د رئيس او غړو په ګډون جوړه شوه.
تخنيکي هيئت په دې ناسته کې، د هرات ولایت په کرخ ولسوالۍ کې د دري شپېته (۶۳) جریبه ځمکې او په انجيل ولسوالۍ کې د څه باندې یو زرو اته (۱۰۰۸) جریبه ځمکو دوسیې تر بحث او بررسۍ لاندې ونيولې او په ترڅ کې یې يادې ځمکې امارتي تثبيت او تشخيص شوې.
همدارنګه په دې ناسته کې د هرات ولایت په بیلابیلو ساحو د ځمکو د غصب اړوند یو شمېر نورې دوسیې هم بررسي شوې او په اړه لازم تصاميم ونيول.
