په کندز ولایت کې د څه باندې ۳ سوه جریبه امارتي ځمکې تثبيت او تشخیص
د کندز ولایت د ځمکو له غصب څخه د مخینوي تخنیکي هیئت ناسته، د شعبان د میاشتې په ۹ مه نېټه، د شنبې په ورځ، د یاد هیئت د رئیس او غړو په ګډون جوړه شوه.
په دې ناسته کې د یاد ولایت د امام صاحب ولسوالۍ په نغمه بازار حلقه کول ساحه کې د دوه سوه اته نوي (۲۹۸) جریبه ځمکې او د ګلتپې ولسوالۍ په توبره کش ساحه کې د درې (۳) جریبه ځمکو دوسیې تر بحث او بررسي لاندې ونيول شوې او په ترڅ کې یې یادې ځمکې امارتي تثبت او تشخیص شوې.
هيئت پرېکړه وکړه چې د یادو ځمکو دوسیې دې، د وروستۍ پرېکړې په موخه مرکزي کمېسيون ته واستول شي.
همدارنګه، په دې ناسته کې د کندز ولایت په بېلابېلو ساحو کې د ځمکو د غصب اړوند یو شمېر نورې دوسیې هم تر بحث او بررسۍ لاندې ونيول شوې او په اړه یې لازم تصاميم ونيول شول.
