په سرپل ولایت کې د څه باندې ۱۵ جریبه امارتي ځمکې تثبیت کېدل
د سرپل ولایت د ځمکو له غصب څخه د مخنیوي تخنیکي هیئت ناسته، د جمادي الثاني د مياشتې په ۱ نېټه د سه شنبې په ورځ، د هيئت د رئيس او غړو په ګډون ترسره شوه.
د تخنيکي هيئت په دې ناسته کې د یاد ولایت د سید آباد ولسوالۍ اړوند په امام جعفر ساحه کې د پنځلس اعشاریه درې (۱۵.۳) جریبه ځمکې په اړه بحث وشو او په ترڅ کې یې یاده ځمکه امارتي تثبیت او تشخیص شوه. هيئت پرېکړه وکړه چې د یادې ځمکې دوسیه دې بشپړه شي.
همدارنګه په ياده ناسته د سرپل ولایت د بېلابېلو ساحو د غصب شويو ځمکو اړوند یو شمېر نورې دوسیې هم بررسي شوې او په اړه یې لازمې پرېکړې وشوې.
