د ننګرهار ولایت عدلیې رئیس د یاد ولایت د یو شمېر موټر پلورنځيو له مسؤولینو سره وکتل
د ننګرهار ولایت د عدلیې رئيس، مولوي محمد رئيس محمدي د جمادی الأولی د مياشتې په ۱۰ مه نېټه سه شنبې په ورځ د یاد ولایت د موټر پلورنځيو له یو شمېر مسؤولينو سره د عدلیې رياست په مقر کې وکتل.
په دې کتنه کې د موټر پلورنځيو مسؤولينو ترمنځ د اتحاد، انسجام او ښې همغږۍ په موخه د یوې اتحادیې د رامنځته کېدو په اړه خبرې اترې وشوې.
د ننګرهار ولایت د عدلیې رئيس د موټر پلورنځيو اتحادیې د جوړيدو په برخه کې د همکارۍ ډاډ ورکړ او زیاته یې کړه چې د اتحادیې په رامنځته کېدو سره به د موټر پلورنځيو د مسؤولينو ترمنځ لا زياته همغږي او همکاري رامنځته شي.
