په ننګرهار ولايت کې د غیرقانوني فعالیت په دلیل د معاملاتو لارښوونې د دوه دفترونو تړل کېدل
د ننګرهار ولایت د عدلیې رياست نظارتي پلاوي، د جمادي الاول د مياشتې په ۴ مه نېټه د چهارشنبې په ورځ د ياد ولایت د مرکز، جلال آباد ښار کې د معاملاتو لارښوونې له ۶ دفترونو څخه نظارت ترسره کړ.
د دغه نظارت او بررسۍ په پایله کې، د معاملاتو لارښوونې ۲ دفترونه د غیر قانوني فعالیتونو له کبله وتړل شول او د پاتې نورو، د معاملاتو لارښوونو دفترونو متصدیانو ته د شته نيمګړتياوو د اصلاح او د کاري چارو ښهوالي په موخه لازمې توصیې وشوې.
د ننګرهار ولایت، عدلیې رياست په دوامداره توګه په یاد ولایت کې د معاملاتو لارښوونو له دفترونو څخه نظارت ترسره کوي تر څو د غير قانوني فعالیتونو مخنيوی وشي.
