د پکتیکا ولایت د عدلیې ریاست اداري ناسته جوړیدل
د پکتیکا ولایت د عدلیې ریاست اداري ناسته، د جمادي الاول د مياشتې په ۳ مه نېټه د سه شنبې په ورځ د عدلیې رئيس قاري شکرالله احمد په مشرۍ او د یاد ریاست د آمرینو او کارکوونکو په ګډون جوړه شوه.
په دې ناسته کې، د پکتیکا ولایت د عدلیې رئیس د یاد ریاست کارکوونکو ته د خپلو مسؤولیتونو د ترسره کولو، وخت او حاضرۍ ته د پابندي کولو او نورو مواردو په اړه لازمې توصیې وکړې.
همدارنګه، په دې ناسته کې د پکتیکا ولایت د عدلیې ریاست اجراآتو په اړ ه د عدلیې وزارت د داخلي پلټنې رياست د راپور په اړه هم خبرې وشوې او د عدلیې رئیس د دغه ریاست له کارکوونکو څخه وغوښتل چې خپلې کاري نيمګړتياوې حل کړي.
