د نورستان تخنیکي هیئت خپل کاري راپور د یاد ولایت له والي سره شریک کړ
د نورستان ولایت د ځمکو له غصب څخه د مخنیوي تخنیکي هیئت د ربیع الثاني د میاشتې په ۲۱مه نېټه د پنجشنبې په ورځ د یاد ولایت له والي سره د یوې ناستې په ترڅ کې، د نورستان ولسوالیو ته یې د خپل کاري سفر راپور له نوموړي سره شریک کړ.
په دې ناسته کې د تخنیکي هیئت رئیس او غړو د نورستان په څو ولسوالیو کې د ځمکو د بررسۍ راپور په وړاندې کولو سره، د یاد ولایت په کچه د امارتي او شخصي ځمکو د تفکیک پر اړتیا ټینګار وکړ.
په یاده ناسته کې د نورستان والي د هیئت فعالیتونه وستایل او هغوی ته یې لازمې مشورې وړاندې کړې او هم یې وویل چې تخنیکي هیئت دې د ځمکو د بررسۍ په موخه د یاد ولایت نورو ولسوالیو ته هم سفر وکړي. دغه راز نوموړي له دغه هیئت سره د ولایت د مقام له هر ډول همکارۍ څخه ډاډ ورکړ.
