د جوزجان ولایت د ځمکو له غصب څخه د مخنیوي تخنیکي هیئت ناسته جوړیدل
د جوزجان ولایت د ځمکو له غصب څخه د مخنيوي تخنيکي هيئت ناسته د ربیعالثاني د مياشتې په ۱۷ مه نېټه د یکشنبې په ورځ د دغه هیئت د رئیس او غړو په ګډون جوړه شوه.
د هيئت په دې ناسته کې د یاد ولایت، فیض اباد ولسوالۍ اړوند قره اول کلي کې د نهه سوه اوه پنځوس (۹۵۷) جریبه امارتي ځمکې موضوع بحث لاندې ونیول شوه او پرېکړه وشوه چې، د تخنیکي هیئت د سکرتریت مسلکي غړي دې د یادې ځمکې دوسیه بشپړه کړي او وروسته یې مرکزي کمېسيون ته واستوي.
همدارنګه، د تخنيکي هیئت په دې ناسته کې د یاد ولایت په بېلابېلو ساحو کې غصب شويو ځمکو یو شمېر نورې دوسیې هم تر بحث او بررسۍ لاندې ونيول شوې او په اړه یې لازم تصاميم ونيول شول.
