په پکتیا ولایت کې د موټر پلورنځیو یو شمېر مسؤولينو ته زده کړه ییزه برنامه جوړه شوه
د پکتيا ولایت عدلیې رياست، د یاد ولایت په څمکنۍ ولسوالۍ کې د موټر پلورنځیو یو شمېر مسؤولينو لپاره زده کړه ییزه برنامه جوړه کړه.
په دې برنامه کې چې د چهارشنبې په ورځ په یادې ولسوالۍ کې جوړه شوه، د یاد رياست د انسجام آمريت مسؤولینو ګډونوالو ته د رسمي سټو، د ثبت کتابونو، د موټر پلورنځيو او د معاملاتو لارښوونې اړوند تقنیني سندونو، د جعلي سټو له ګټې اخیستنې څخه د مخنيوي او ورته نورو اړینو موضوعاتو په اړه معلومات واړندې کړل.
دغه راز په دې برنامه کې د یادو موټر پلورنځيو شمسؤولينو او متصدیانو خپلې پوښتنې او ستونزې مطرح کړلې او د عدلیې ریاست مسؤولینو د هغوی پوښتنو ته ځواب وړاندې کړ او د ستونوزو لرې کولو په برخه کې یې هغوی ته ډاډ ورکړ.
