د عدلیې وزارت مسلکي معين د ارزګان ولایت له عدلیې ریاست څخه ليدنه وکړه
د عدلیې وزارت د مسلکي معين، محترم شيخ الحدیث مولوي عبدالکريم حيدر په مشرۍ ولایتونو ته د یاد وزارت د پلاوي د سفرونو په لړ کې، یاد پلاوي د ربیع الاول د میاشتې په ۲۶ مه نېټه د یکشنبې په ورځ، ارزګان ولایت ته سفر وکړ او د یاد ولایت له عدلیې رياست څخه یې کتنه وکړه او خلکو ته، د یاد رياست د خدمتونو وړاندې کول یې هم له نږدې بررسي کړل.
د عدلیې وزارت محترم مسلکي معین او له هغه سره مل پلاوي د ارزګان ولایت له عدلیې رئيس مولوي خيرالله حق نماء سره په کتنه کې د هغوی ستونزې یې واورېدې او د حل په برخه کې یې ډاډ ورکړ.
همدارنګه، په یاده کتنه کې محترم مسلکي معين، د یاد رياست د کارکوونکو او مسؤولينو ته د چارو ښه پرمخ وړلو او خلکو ته د خدمت کولو په برخه کې توصیه وکړه او ټينګار یې وکړ چې د مراجعينو کارونه باید پرته له ځنډ او خڼد څخه ترسره شي او خلکو ته ښه او پر وخت خدمتونه وړاندې شي.
