پکتیا ولایت کې یوه موټر پلورنځۍ د غیرقانوني فعالیت په دلیل وتړل شوه
د پکتیا ولایت د عدلیې ریاست د جوازونو د ثبت او بررسۍ عمومي مدیریت د ذوالقعدې د مياشتې په ۴ مه نېټه د دوشنبې په ورځ د ياد ولایت په مرکز ګردیز ښار کې له یو شمېر موټر پلورنځیو څخه نظارت ترسره کړ.
د دغه نظارت په ترڅ کې د ۲۰ موټر پلورنځیو له جوازونه، سټو او د ثبت له کتابونو څخه نظارت ترسره شو، چې له دې جملې څخه یوه موټر پلورنځۍ چې په غير قانوني ډول یې فعالیت ترسره کاوه، د نظارتي غړو له لوري مهرلاک شو.
د پکتیا ولایت د عدلیې ریاست په دوامداره توګه د معاملاتو لارښوونو دفترونو او موټر پلورنځیو څخه نظارت او بررسي ترسره کوي ترڅو د غیر قانوني فعالیتونو مخه ونیول شي.
