د پکتیا ولایت استخباراتو رياست کې د حقوقي پوهاوي ورکولو برنامه جوړول
د پکتیا ولایت د عدلیې ریاست د حقوقي مساعدتونو آمریت د شوال د میاشتې په ۱۱ نېټه د شنبې په ورځ د یاد ولایت استخباراتو رياست کې د حقوقي پوهاوي ورکولو برنامه جوړه کړه.
په دې برنامې کې چې د یاد ولایت د استخباراتو رياست ۲۳ تنو کارمندانو ګډون درلود، د امير المؤمنين حفظه الله تعالی د حقوقی او جزایي فرمانونو او حکمونه په اړه پوهاوی ورکړل شو.
د استخباراتو رياست مسؤولینو د عدلیې رياست هڅې وستایلې او په راتلونکې کې هم د ورته برنامو ترسره کولو غوښتنه وکړه.
په ورته مهال د عدلیې ریاست د حقوقي مساعدتونو آمریت بیا د استخباراتو رياست ته د لا زیاتو همکاریو ډاډ ورکړ او زیاته یې کړه چې په راتلونکې کې به هم دوی ته ورته برنامې ترسره کړي.
