د کاپيسا ولایت له عدلیې رياست څخه د ياد ولایت د البیروني پوهنتون د ښوونکو او محصلينو کتنه
د کاپیسا ولایت د البيروني پوهنتون د حقوقو او سياسي علومو پوهنځي ښوونکو او ۲۶ تنو محصلينو د عملي زده کړو په موخه د روژي د میاشتې په ۷ مه نیټه د یکشنبې په ورځ د کاپیسا ولایت له عدلیې ریاست څخه ليدنه وکړه.
په دغې کتنه کې د کاپيسا د عدلیې رئیس قاري شکرالله احمد، د ياد رياست کارمندانو او د پوهنتون ښوونکو او محصلينو ګډون درلود او د عدلیه ریاست مسؤولینو په کې د یاد ریاست دندو، واکونو او نورو بېلابېلو برخو په اړه معلومات وړاندې کړل.
همداراز د عملي زده کړو لپاره محصلين په جلا ګروپونو وویشل شول او د رياست کارمندانو له دوی سره مسلکي معلومات او خپلې تجربې شريکې کړې.
