په سرپل ولایت کې څه باندې د ۲۰۰۰ جریبه امارتي ځمکې تثبیت او تشخیص
د سرپل ولایت د ځمکو د غصب د مخنیوي د تخنیکي هیئت ناسته د جمادي الثاني د میاشتې په ۱۲ نېټه د سهشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې او په دغې برخه کې لازم تصمیمونه ونیول شول.
یاد هیئت د سیدآباد ولسوالۍ په چشمه شیرین کلي کې د غصب شویو ساحو دوسیه بررسي کړه او په دغې ساحه کې د عامه څړځای کابو ۲۱۹۴ جریبه ۱۵ بسوې او ۸ بسواسې ځمکه تشخیص او تثبیت کړه.
د سرپل ولایت د تخنیکي هیئت رئیس او غړي د غصب شویو ساحو د بررسۍ او تثبیت په منظور د یاد ولایت د صیادو ولسوالۍ کپه دار سیمه ته هم سفر وکړ او په دې ساحه کې غصب شوې ساحې د یادې سیمې د سیمه ییزو مسؤولینو او سپین ږیرو په حضور کې تثبیت، تشخیص، کروکي او سکیچ کړې.
