په کنړ ولایت کې څه باندې د ۱۵ جریبه غصب شوې امارتي ځمکې تثبیت او تشخیص
د کنړ ولایت د ځمکو د غصب د مخنیوي د تخنیکي هیئت ناسته د جمادي الثاني د میاشتې په ۶ نېټې د چهارشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې او په دغې برخه کې لازم تصمیمونه ونیول شول.
د کنړ ولایت د تخنیکي هیئت رئیس له تخنیکي هیئت څخه د یو ټیم په ملتیا د یاد ولایت چپې درې ولسوالۍ ته ولاړ او د یاد ولایت دوو تنو ترمنځ تر دعوا لاندې ساحې څخه یې کتنه او بررسي وکړه.
دغه راز له تخنیکي هیئت څخه یو ټیم د یاد ولایت د عدلیې رئیس په مشرۍ د شامکار حکیم آباد کلي ته ولاړ او غصب شوې امارتي ځمکې او د کادستري ټوټو په ۱۵.۱۹ جریبه ځمکې ودان شوي کورونه چې د ۴ تنو غاصبینو لهخوا جوړ شوي له نږدې وکتل او بررسي کړل.
یاد هیئت د یادې شوې ځمکې مساحت، کروکي، ډول، بیه او اربعه حدود تشخیص او تفکیک کړل او د غاصبینو شهرت یې په جدول کې درج کړ.
