د عریضه لیکنې د فعالیت د جواز له یو شمېر غوښتونکو څخه آزموینه واخیستل شوه
د عدليې وزارت د انسجام لوی ریاست د معاملاتو د لارښوونې او عریضه لیکونکو ریاست د خپلو مخکنیو ارزونو په دوام، د جمادي الاول میاشتې په ۲۱ نېټې د سه شنبې په ورځ د عریضه لیکنې د فعالیت د جواز له یو شمېر غوښتونکو څخه د ارزونې او آزموینې اخیستو برنامه د دغه وزارت په مقر کې جوړه کړه.
په دغې آزموینه کې د عریضه لیکنې د فعالیت د جواز ۱۱ تنو غوښتونکو ګډون درلود او د انسجام لوی ریاست یو شمېر مسؤولینو د آزموینې له بهیر څخه نظارت ترسره کړ.
د عدلیې وزارت وړ کسانو ته د عریضه لیکنې د فعالیت جواز د ویشلو په منظور، وخت په وخت د عریضه لیکنې د جواز له غوښتونکو څخه په یاد وزارت کې آزموینه اخلي ترڅو وړ او با استعداده کسانو ته په اصولي او شفاف ډول جواز وویشل شي او د خلکو په کارونو کې هم آسانتیاوې رامنځته شي.
