د لوګر ولایت د والي له مرستیال سره د یاد ولایت د ځمکو د غصب د مخنیوي د تخنیکي هیئت کتنه
د لوګر ولایت د ځمکو د غصب د مخنیوي د تخنیکي هیئت ناسته د جمادي الاول د میاشتې په ۵ نېټې د یکشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې.
یاد هیئت د برکي برک ولسوالۍ د دشت خاکي ساحې او د دغه ولایت د مرکز د بابوسو ساحې له اوسیدونکو سره وکتل او له هغوی د استعلام په ذریعې د یادو شویو ساحو د ملکیت سندونه وغوښتل.
دغه راز یاد هیئت د لوګر ولایت د والي له مرستیال مولوي عنایت الله شجاع سره وکتل او له نوموړي سره یې د دغه هیئت د فعالیتونو راپور او ستونزې شریکې کړې.
