د بغلان ولایت د عدلیې ریاست د ۱۵ تشو بستونو د رقابتي آزموینې اخیستل
د بغلان ولایت عدلیې ریاست د ربیع الاول د میاشتې په ۱ نېټې د شنبې په ورځ د یاد ولایت د ولسوالیو د امارت د قضایاو د لوی مدیریت د ۱۵ تشو بستونو آزموینه د آزاد رقابت له لارې واخیسته.
یاده آزموینه د دغه ولایت د اداري اصلاحاتو او ملکی خدمتونو د آمریت په مقر کې جوړه شوه او د بغلان ولایت د عدلیې رئیس مولوي ګل رسول نصرت او د اړوندو ادارو استازو د آزموینې له بهیر څخه څارنه وکړه.
په دغې آزموینې کې په شرایطو برابر ۱۰۰ تنو برخه اخیستې وه او د دغو بستونو ترلاسه کولو لپاره يې په خپلو کې رقابت وکړ.
