په کندز ولایت کې ۱۸۰ جریبه ځمکه استرداد شوه
د کندز ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د محرم الحرام د میاشتې په ۲۸ نېټه د دو شنبې په ورځ د دغه هیئت د رئیس او غړو په حضور سره جوړه شوه او په هغې کې د امام صاحب د ولسوالۍ د خروټو ساحې د ۹۰ جریبه ځمکې، د قلعه ذال ولسوالۍ د آقتپې ساحې د ۷۰ جریبه ځمکې او د یاد ولایت د چهاردرې ولسوالۍ د یتیم کلي د ۲۰ جریبه ځمکې دوسیې بحث او بررسۍ لاندې ونیول شوې.
یاد شوي هیئت له بحث او بررسۍ څخه وروسته، د یادو ځمکو د ۱۸۰ جریبه د هغو د متصرفینو د اعتراف او لیکل شوي اقرار لیک پر اساس د هغو د امارتي توب پر مبنی استرداد کړه او یو کال مودې له پاره یې د هغې د اجارې ورکولود پړاونو تېرولو لارښونه صادر کړه.
