د مدافع وکیلانو د ورودي آزموینې جوړولو په اړه د عدليې وزارت خبرتیا
عدلیه وزارت د مدافع وکیلانو د ورودي آزموینې دوه یم دور د ۱۴۰۲ هجري لمريز کال د زمري د میاشتې په ۳۰ نېټه ى دغه وزارت په مقر کې ترسره کوي؛ له دې امله د دفاع وکالت د جواز لیک هغو ټولو غوښتونکو ته چې دغې آزموینې له پاره شارت لست شوي خبر ورکول کیږي چې لاندي ټکي بايد مراعت کړي، له دې پرته به د شکایت حق و نه لري.
۱ - د دفاع وکالت د ورودي آزموینې د شمولیت کارتونه د ۱۴۰۲ هجري لمريز کال د زمري د میاشتې په ۲۶ نېټه د پنجشنبې په ورځ او د ۱۴۰۲ هجري لمریز کال د زمري د میاشتې په ۲۹ نېټه د یکشنبې په ورځ د دغه وزارت د مدافع وکیلانو د ریاست له لوري ویشل کیږي.
۲- د دفاع وکالت ورودي آزموینه د ۱۴۰۲ هجري لمريز کال د زمري د میاشتې په ۳۰ نېټه د دوشنبې په ورځ اخیستل کیږي، له دې امله ټول ګډونوال مکلف دي چې په همدغه ورځ د سهار په ۶ بجو د عدلیې وزارت په مقر کې حاضر واوسي.
۳- د آزموینې په ورځ وزارت ته د ننوتو اجازه یواځې هغو کسانو ته ورکول کیږي چې په آزموینه کې د شمولیت کارتونه او د تابعیت د تذکرې اصل له ځان سره ولري.
٤- د آزموینې په ورځ د دفاع وکالت په ورودي آزموینه کې د شمولیت کارتونه نه ویشل کیږي.
د مدافع وکیلانو د دوه یم دور آزموینې لپاره په شرایطو د برابرو لست
