په کنړ ولایت کې ۱۰۰ جریبه ځمکه بررسي شوه
د کنړ ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د محرم الحرام د میاشتې په ۲۶ نېټه د شنبې په ورځ د دغه هیئت د رئیس او غړو په حضور سره جوړه شوه او په هغې کې د ځمکو د غصب اړوند یو لړ موضوعاتو په اړه بحث وشو او په دغې برخه کې لازم تصمیمونه ونیول شول.
وروسته یاد شوي هیئت د امارتي ځمکو د تشخیص او تثبیت په منظور کرهالي ساحې ته سفر وکړ او په دغې ساحې کې ۱۰۰ جریبه ځمکه بررسي کړه او د هغې مساحت یې معلوم کړ او نوي کارونه یې په کې د موضوع تر وروستي کیدلو پورې وځنډول.
دغه راز یاد شوي هیئت د دغه ولایت د مرکز د لچیګلي توحید آباد کلي ته ولاړ او د دغې ساحې د توظیف شوي پلاوي کاري بهیر څخه يې نظارت ترسره کړ. په دغې ساحې کې توظیف شوي پلاوي، د کادستر په ۸۲۸، ۸۲۹ او ۸۳۰ ټوټو په داخل کې، د ۲۴ ودان شویو کورونو غاصبین، د غصب شویو ځمکو مساحت، کروکي، ډول، د ځمکې او آبادۍ بیې او د هغو حدود له تعیین شوي جدول سره سم، تشخیص او تفکیک کړل او د هغې د غاصبینو شهرت یې په جدول کې درج کړ.
