په ارزګان ولایت کې ۵۰۰ جریبه امارتي ځمکه استرداد شوه
د ارزګان ولایت د ځمکو د غصب د مخنیوي تخنیکي هیئت د ۱۴۴۵ هجري قمري کال د محرم الحرام د میاشتې په ۲۳ نېټه د چهارشنبې په ورځ د ارزګان ولایت د ترینکوټ ښار ګردنې ګاب ساحې ته سفر وکړ او له یادې ساحې څخه یې لیدنه او بررسي ترسره کړه.
یاد شوي هیئت په دغې ساحه کې ۵۰۰ جریبه امارتي ځمکه چې د یادې ساحې د کوچیانو له خوا غصب شوې وه استرداد کړه او اړوندې ادارې ته وسپارله او په دغې ساحې کې ۸ کیندل شوي څاګاني هم د هیئت له خوا وتړل شوې.
دغه هیئت د یادې ساحې اوسیدونکو له پاره د ځمکو د غصب د مخنیوي په اړه د امیرالمومنین حفظه الله فرمان بیان کړ او هغوی ته یې لارښوونه وکړه چې د امارتي ځمکو له غصب څخه ډډه وکړي.
