په میدان وردک ولایت کې څه باندې ۳۰۰۰ جریبه ځمکه بررسي شوه
د میدان وردک ولایت د ځمکو د غصب د مخنیوي تخنیکي هیئت د ۱۴۴۵ هجري قمري کال د محرم الحرام د میاشتې په ۱۶ نېټه د چهارشنبې په ورځ د یو مدعی شخص له خوا د وړاندې شویو سندونو د تطبیق په منظور د یاد ولایت په مرکز کې د اداري اصلاحاتو ښارګوټي ته سفر وکړ.
د دغه شخص له خوا په وړاندې شويو سندونو کې ۳۲۵۹.۶۶۸۶ جریبه ځمکه شامله ده او یاد شخص د هغې د ۵۹۵ جریبه د استملاک غوښتونکی دی.
تخنیکي هیئت وړاندې شوي سندونه د یاد شوي شخص په حضور کې بررسي او په ساحې کې تطبیق کړل او په هغو کې د یادو شویو حدودو کروکي ترلاسه کړه.
