د دایکندي ولایت د ځمکو د غصب د مخنیوي د تخنیکي هیئت ناسته جوړه شوه
د دایکندي ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د محرم الحرام د میاشتې په ۱۳ نېټه د یکشنبې په ورځ د دغه هیئت د رئیس او غړو په حضور سره جوړه شوه او د کیتي ولسوالۍ د کیسو بازار د استازو عریضه په کې مطرح شوه او تصمیم ونیول شو چې دغې ولسوالۍ ته د تخنیکي هیئت د سفر پلان راتلونکې غونډه کې تعیین شي.
په یاده ناسته کې خدیر، اشترلي او سنګتخت او بندر ولسوالیو ته د سفر په اړه بحث او د نظرونو تبادله ترسره شوه او پریکړه وشوه چې د تخنیکي هیئت د رئیس په مشرۍ یو پلاوی د بررسۍ او د کمېټو تعیین په موخه یادو ولسوالیو ته سفر وکړي.
دغه راز په یاده ناسته کې د میرامور ولسوالۍ په سراود کلي کې د معلمینو ښارګوټي دوسیه بررسي شوه او پریکړه وشوه چې له سنګتخت او بندر، خدیر او اشترلي ولسوالیو څخه د تخنیکي هیئت د رئیس او غړو راستنیدو څخه وروسته یادې ولسوالۍ ته د سفر پلان په پام کې ونیول شي.
