د خوست ولایت د ځمکو د غصب د مخنیوي د تخنیکي هیئت ناسته جوړه شوه
د خوست ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۲۱ نېټه د یکشنبې په ورځ د هیئت د رئیس او غړو په حضور سره جوړه شوه
په دغې ناسته کې د مخکنۍ ناستې موضوعاتو څخه بیاکتنه وشوه او ورپسې هیئت په دوو ګروپونو وویشل شوه چې لومړي ګروپ په کرنې ریاست کې له یو شمېر اشخاصو سره وکتل او د هغوی اړوند دوسیو او موضوعاتو په تړاو يې له هغو سره خبرې وکړې.
د هیئت دوه یم ګروپ د سیګۍ دښتې موضوع، د ځیني خیلو او مندوزي قومونو موضوع او د حیدر خیل اړوند زیړۍ ترخې ساحې ۳۲ جریبه ځمکې موضوع بررسي کړه او اړوندو مراجعو ته استعلامونه وویشل شول.
دغه راز د باک ولسوالۍ بابکر خیلو قوم او کوچیانو موضوع او د یو بل شخص دوسیې راپور جوړ شو چې مرکزي کمېسیون ته به واستول شي. یو شمېر نور موضوعات هم د تخنیکي هیئت له خوا بررسي شول.
