د دایکندي ولایت له والي او یو شمېر اوسیدونکو سره د یاد ولایت د ځمکو د غصب د مخنیوي د تخنیکي هیئت کتنه
د دایکندي ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۱۴ نېټه د یکشنبې په ورځ د دغه هیئت د رئیس او غړو په حضور سره جوړه شوه او د یاد ولایت د شهرستان ولسوالۍ او مرکز ترتیب شوو دوسیو په اړه په کې بحث وشو او دغې برخه کې لازم تصمیمونه ونیول شول.
په همدې توګه دغه هیئت د دایکندي ولایت د مقام او د نیلي ښار د زردني او دشت کلیو له یو شمېر مخورو سره وکتل او د نیلي ښار د ماسټر پلان ساحې په اړه بحث او خبرې وکړې.
په دغې کتنه کې، یادو اوسیدونکو د نیلي ښار د ماسټر پلان ساحې د ستونزې د حل په تړاو د تخنیکي هیئت او د یاد ولایت د مقام د همکارۍ غوښتونکي شول.
تخنیکي هیئت د یاد ولایت له والي او یادو اوسیدونکو سره ژمنه وکړه چې د نیلي ښار د ماسټر پلان ساحې د تثبیت او تشخیص بهیر به له خپلو اصولو، مقررې او کاري کړنلارې سره سم او په بشپړې روڼتیا او بې پریتوب ترسره کړي.
د دایکندي ولایت والي هم له خلکو سره د تخنیکي هیئت له ژمنې څخه ډاډ ورکړ او د تخنیکي هیئت د کاري ستونزو د حل په برخه کې د هر ډول همکارۍ ژمنه وکړه.
