د غور ولایت د ځمکو د غصب د مخنیوي د تخنیکي هیئت د ناستې جوړیدل
د غور ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۱ نېټه د دوشنبي په ورځ د دغه هیئت د رئیس او غړو په حضور سره جوړه شوه.
په دغې ناسته کې، تخنیکي هیئت د فتح الله بیک، تیلا جر، خمها جر او د نرکوه بادروک ساحو پر ځمکو د دوو اشخاصو د ادعا موضوع په اړه بحث وکړ او د هغوی سندونه یې بررسي کړل. تخنیکي هیئت پریکړه وکړه چې د دغه هیئت غړي یادو شویو ساحو ته ولاړ شي او د اشخاصو سندونو ته پر ساحې مطابقت ورکړي.
دغه راز په دغې ناسته کې د یو شخص د زمیندارۍ او د هغه د ۸۷ جریبه ځمکې په اړه بحث وشو او د هغې اړوند اشخاص غونډې ته وبلل شول او له هغوی څخه سندونه وغوښتل شول. یاد هیئت پریکړه وکړه چې تر ادعا لاندې ساحې ته ولاړ شي او موضوع له نږدې بررسي کړي.
