د کندهار ولایت د ځمکو د غصب د مخنیوي د تخنیکي هیئت ناسته جوړه شوه
د کندهار ولایت د ځمکو د غصب د مخنیوي د تخنیکي هیئت ناسته، د ذوالحجې د میاشتې په ۱ نېټه د دوشنبي په ورځ د دغه هیئت د رئیس او غړو په حضور سره جوړه شوه او له محکمو څخه د رسیدل شویو دوسیو په اړه په کې بحث وشو او د هيئت غړو خپل نظرونه سره شریک کړل.
په دغې ناسته کې، د امیرالمؤمنین حفظه الله له فرمان سره سم د غاصبینو او زورواکو له منګلو څخه د ځمکو آزادولو په اړه ټینګار وشو او دغه راز په ځینو ساحو کې له کمېسیون څخه د برمو د ویجاړولو له پاره د اجازې ترلاسه کولو په اړه بحث وشو.
دغه راز په یاده ناسته کې، د ژیړۍ ولسوالۍ د پساب وزیري کلي موضوع او له مرکز څخه د تصفیې هیئت غوښتلو او د یو شمېر نورو موضوعاتو په اړه هم بحث وشو او یوه موضوع چې دوو اشخاصو ترمنځ وه، محکمې ته راجع شوه.
