د افغانستان اسلامي امارت د طبي شورا له سرپرست سره د عدلیې وزارت د سرپرست کتنه
د افغانستان اسلامي امارت د طبي شورا سرپرست ډاکټر ګل محمد عثمان او له هغه سره مل پلاوي د ذوالقعدې د میاشتې په ۲۵ نېټه د چهارشنبې په ورځ د عدليې وزارت له سرپرست شیخ الحدیث مولوي عبدالحکیم شرعي سره وکتل او خبرې ورسره وکړې.
په دغې ناسته کې، د عدليې وزارت د تقنین لوی رئیس مفتي فضل هادي صاحب زاده هم حضور درلود، د طبي شورا رئیس د طبي شورا د جوړیدلو، صلاحیتونو او د هغې د فعالیتونو په اړه معلومات وړاندې کړل، ویې ویل چې موږ باید د طب په برخه کې په خپل پښو ودریږو او د نور له احتیاج څخه خلاص شو.
دغه راز نوموړي وویل چې د افغانستان طبي شورا باید له خپلو صلاحیتونو څخه برخمنه اوسي.
په دغې ناسته کې، د عدليې وزارت سرپرست وویل چې طبي څانګه کې په شفاعت او واسطې عمل کول خیانت دی او لله الحمد تر اوسه ما په دغې برخه کې د هیچا شفاعت او واسطه نه ده کړې ځکه چې طبې برخه کې د شفاعت او واسطې په اساس ګمارنې هیوادوالو ته ستونزې رامنځته کوي.
د عدليې وزیر وویل کله چې په افغانستان کې علاج او طبابت معیاري شي، موږ له پاره بهر ته د تګ اړتیا نه پیدا کېږي بلکه زموږ علاج همدلته د روزل شوو کدرونو په واسطه په داسې حال کې ترسره کیږي چې موږ به خوښ اوسو او زموږ ډاکټران به خوښ وي او موږ به هم له ډیرو ستونزو څخه خلاص شو او وخت به مو هم نه ضایع کیږي. نوموړي د افغانستان د طبي شورا له رئیس سره د هر ډول همکارۍ ډاډ ورکړ.
